Австрия Рахат Әлиевке қатысты экстрадициялау шараларын бастады

Австрияның мемлекеттік прокуроры Қазақстан президентінің күйеу баласы Рахат Әлиевке қатысты Қазақстан тарапының сұрауы бойынша экстрадициялау шараларын бастады. Бұл жөнінде Франц пресс агенттігіне Австрияның мемлекеттік прокурорының баспасөз-хатшысы Вулфганг Свобода хабарлады. Рахат Әлиев өз елінде адам ұрлады деп айыпталып отыр. Қазақстанның Австриядағы елшісі болған Әлиев өткен айда қызметінен босатылған болатын.