Франция Ауғанстандағы күштерін шығаруды жоспарлап отырған жоқ

Франция өз әскерлерін Ауғанстаннан шығаруды жоспарлап отырған жоқ. Бұл туралы Франция премьер-министрі Франсуа Фийон хабарлады. Канаданың премьер-министрімен кездесуінен кейін Франсуа Фийон Франция Ауғанстандағы міндеттемелері мен одақтастарынан айнымайды деп мәлімдеді. Алайда Франция Ауғанстандағы күштерінің тиімдірек болуын және Ауған армиясын жаттықтыруын қалайды деді премьер-министр. Ал Францияның жаңа президенті Николя Саркози Ауғанстандағы француз күштерінің ұзақ мерзімді ролін көріп тұрған жоқпын деп айтқан болатын.