БАҒДАД: Кеше Ирақтағы түрлі шабуылдан 20-ға тарта адам қаза тапты. Бағдадтан солтүстікке қараған Салахаддин облысындағы полиция кеңсесінің жанында бомба орнатылған жүк мәшинесі жарылып, одан 14 полицей, оның ішінде Ирақ ішкі істер министрлігінің 2 полковнигі қаза болды. Бағдад қаласының өзінде және оның төңірегінде болған осындай 2 шабуылдың салдарынан кем дегенде тағы 4 кісі көз жұмды. Кеше Ирақтағы АҚШ әскерінің басшылығы хабарлағандай, соңғы 2 тәуліктің ішінде 3 жауынгері қаза тапты.
