ВЕНА: Иранның ядролық бағдарламасы - атом қуаты бойынша Халықаралық МАГАТЭ агенттігінің бүгін Венада ашылатын Басқарма Кеңесінің күн тәртібінде тұрған басты мәселе. 35 мемлекеттің өкілдерінен тұратын Басқарма Кеңесінің осы аптадағы мәжілісі Иранның уран шикізатын байыту бағдарламасын іске асырып жатқаны туралы агенттіктің Бас директоры Мұхаммад Әл-Барадидің баяндамасын тыңдайды. Сонымен қатар бүгін Иран дипломаты Джавад Ваеди Еуроодақ шенеунектерімен ресми Теһранның Брюссельмен арадағы келешекте өтетін келіссөзін талқылайды.
