Сербия премьері Дж.Бушқа “албандықтарға деген көңілін басқаша білдіруге кеңес берді”

БЕЛГРАД: Теледидардан сөйлеген сөзінде серб премьер-министрі В.Коштуница Косово өлкесінің мәртебесі туралы АҚШ президенті Дж.Буштың айтқанына Сербия қатты наразы деп мәлімдеді. Албания мен Болгарияға сапары кезінде АҚШ президенті Косовоға тәуелсіздік беру керектігін айтқан болатын. Өз кезегінде В.Коштуница Дж.Бушқа “албандықтарға бүйрегінің бұрып тұрғанын көрсету үшін оларға серб жерін ұсынбай, басқа нәрсені қарастырып көруді” ұсынды. Сербия мен Ресей БҰҰ-ының Косовоға тәуелсіздік беру жоспарына түбегейлі қарсы.