Ресей соты шетелдік студентке шабуыл жасаған азаматты ауыр жазаға тартты

МӘСКЕУ: Ресейдегі Адыгей республикасының Сергей Иваницкий деген 19 жастағы тұрғыны Суданнан келген студентті соққыға жығып, тонағаны үшін 11 жыл мерзімге түрмеге кесілді. Тергеудің мәліметі бойынша, өткен жылдың шілдесінде Краснодар қаласында С.Иваницкий көшеде төбелес шығарып, Африка елінен келген студентті пышақпен ауыр жаралап, оның сымсыз телефонын тартып алған. Әлгі студент ауруханада ес-түссіз 1 ай жатып шыққан. Тергеу бұл қылмыстың нәсілшілдік пиғылда істелгенін жоққа шығарды.