Ағылшын үкіметі бүкіл мұсылмандардың ашу-ызасын туғызатын шешім қабылдады

ТЕҺРАН: Ресми Теһран Ұлыбритания үкіметінің Салман Рушдиге “рыцарь” атағын беру туралы шешіміне қарсылығын білдірді. Иранның рухани жетекшісі өзінің көзін жоюға нұсқау бергеннен бері С.Рушди 10-даған жыл бойы Ұлыбританияда бас сауғалап жүр. Иранның сыртқы істер министрлігінің ресми өкілі Мохаммад-Әли Хоссеини мәлімдегендей, ресми Лондонның С.Рушдиге “Сайтанның өлеңдері” атты даулы шығармасы үшін биік мәртебелі атақ беру бүкіл мұсылман дүниесінің ашу-ызасын туғызады.