Еуроодақтың жаңа конституция қабылдауына Польша бөгет болып тұр

БРЮССЕЛЬ: Еуроодақ лидерлерінің 21-інші маусымда өтетін саммиті алдында Еуроодақтың сыртқы істер министрлері жаңа конституция бойынша қарама-қайшылықтарды шешу үшін бүгін Брюссельге жиналды. Оның қалай өтіп жатқаны белгісіз. Еуроодақтың қазіргі төрағасы – Германия – Одақ лидерлерін саммиттің алдында жаңа конституция бойынша уәжге келуге шақырды. Бірақ Еуроодақтың саясатына деген өзінің ықпалын “шектейді” деп санаған Польша жобаға бөгет қоятынын ескертті. Ал неміс канцлері мен поляк президентінің келіссөзі нәтиже бермеді.