Ауғанстан полициясы бір ауданды өз бақылауына қайыра алғанымен, келесісін тәліптер қолына беріп алды

Ауған полициясы өкілдерінің айтуына қарағанда, олар дүйсенбі күні кешке қарай тәліптер қолына өткен ауданды өздеріне қайтарған. Бірақ, екінші бір ауданнан кері шегінуге мәжбүр болған. Оңтүстіктегі Қандағар провинциясы полициясының бастығы Есматулла Ализай полиция күштері Мияаншен ауданына кірген кезде аса қатты қарсылыққа кез болған жоқ дейді.