Грузия заң шығарушылары 1940 жылдары Орталық Азияға жаппай күштеп көшірілген мұсылман азшылықтарының өкілдерін қайтару туралы заң жобасына қолдау танытып отыр. 1999 жылы Европа кеңесіне қосылғандығының шарты ретінде Грузия 2011 жылға қарай бұрынғы Совет одағы елдеріне шашырап кеткен 300 мыңдай месхет түріктерінің қайтып оралуларына кепілдік беруге келісті. Заң жобасында елге келетіндерді орналастыруға қажетті қаржы көздері қарастырылған.