Ресей Грузиядағы бір әскери базадан шықты

Ресей Грузиядағы бір базадан әскерилерін шығаруын аяқтады. Грузия қорғаныс министрлігінің баспасөз-хатшысы Нана Инцкирвелидің айтуынша, Ахалкалаки базасы қайтадан Грузия бақылауына өткен. Бұл жөніндегі құжатқа Ресей мен Грузияның қорғаныс саласындағы ресмилері қол қойды. Енді Ресей Грузияның Батуми портындағы базадан әскерилерін 2008 жылы толығымен шығаруды жоспарлап отыр.