Э.Ольмерт бастаған Израиль үкіметінің ішінен тағы бір жанжал шықты

ТЕЛЬ-АВИВ: Израильдің қаржы министрі Аврахам Хирчсон 2003-інші жылға дейін өзі басқарып келген Жұмысшылар одағындағы істеген қылмысын полицияның тергеу жүргізуіне байланысты осы қызметінен кетті. Хабарға қарағанда, Хирчсонға Жұмысшылар одағының төрағасы болып тұрған кезінде қаржыны талан-таражға салып, пара алды деген күдік түсіп отыр. Израиль премьер-министрі Э.Ольмерт оның орнына қазіргі ішкі істер министрі Ронни Бар-Онды қаржы министрі етіп тағайындауға тиіс.