Британия полициясы бомба шабуылдарын ұйымдастырды деген күдікпен сегіз азаматты тергеп жатыр

Британия полициясы Лондон және Глазго қалаларында нәтижесіне жетпей қалған бомба шабуылдарын ұйымдастырды деген күдікпен сегіз азаматты тергеп жатыр. Олардың кемінде төртеуі – шет елдерден келген дәрігер азаматтар. Австралия бас министрі Джон Ховард күдіктілердің бірі Брисбейн әуежайында дүйсенбі күні ұсталды, ол Малайзияға кетіп бара жатқан болатын дейді. Глазго әуежайында сенбі күні сәтсіз шабуыл жасаған күдіктілердің бірі ауруханада емделіп жатыр. Ол өртеген мәшинесінде қатты күйіп қалған, жағдайы ауыр.