Саакашвили: “Ресей Грузияға енгізген шектеулерін алып тастауы мүмкін”

Грузия президенті Михаил Саакашвили Ресей Грузияға енгізген кей шектеулерін алып тастауға дайын тұр деп мәлімдеді. “Рейтерс” ақпарат агенттігіне берген сұхбатында Саакашвили екі ел арасындағы көлік және сауда байланыстарын Мәскеудің жақын арада қайта қалпына келтіретініне үміт білдірді. Өткен жылы қазан айында Тбилиси тыңшылық етті деген айыппен Ресей армиясының 4 қызметкерін қамауға алған соң, Мәскеу Грузияға бірқатар шектеулер енгізген болатын.