Ливияда өлім жазасына кесілген 5 медбике мен дәрігер босатылуы мүмкін

ТРИПОЛИ: Балаларға “ғасыр дертін” қасақана жұқтырды” деген айыппен өлім жазасына кесілген палестиналық дәрігер мен болгариялық 5 медбикенің тағдырларына қатысты Ливиядан жақсы хабар жетті. М.Қаддафи Қоры мен дертке шалдыққандардың отбасылары өзара “барлық жақты қанағаттандырып, дағдарысты шешетін” келісімге келді. Ал бүгін Ливияның Жоғарғы соты болгариялық медбикелердің аппеляциялық шағымдары бойынша өкім шығаруға тиіс болатын. 1999-ышы жылдан бері түрмеде отырған әлгі медбикелер кінәларын мойындату үшін өздерін азаптағандарын мәлімдейді.