Ресей сыртқы істер министрі тиімсіз болатын БҰҰ Қауіпсіздік Кеңесінің Косовоға қатысты қарары мақұлданбайды дейді

Ресей сыртқы істер министрі Сергей Лавровтың мәлімдеуінше, Белград пен Приштинаға тиімсіз болатын БҰҰ Қауіпсіздік Кеңесінің Косовоға қатысты қарары мақұлданбайды. Бұл туралы Лавров бүгін Бішкекте өткізген баспасөз-мәслихатында хабарлады. Косовоға бақылау астындағы тәуелсіздік беру керек деген БҰҰ-ның жоспарына Белград пен Мәскеу қарсылық танытып келеді. Ресей БҰҰ-ның Қауіпсіздік Кеңесінде вето қою хұқына ие.