АЛЖИР: Кеше Алжирде болған жарылыстың салдарынан 10 адам қаза болып, 35 кісі жараланды. Жанпидашыл-қаскүнем өзінің жарылғыш орнатылған автокөлігін Алжирдің шығысындағы Лаһдария кентінде орналасқан армия жатақханасына ұрып жарды. Бұл қастандықты “Әл-Қаида” ұйымы іске асырғанын мәлімдеді. Оны “Әл-Қаиданың” өкілі “Әл-Джазира” телеарнасынан хабарлады. Кеше Алжирде 8 мың спортшы қатысатын Африка ойындары ашылып, ел астанасында қауіпсіздік күшейтілді.
