САН-ПАУЛО: Бразилияның соты Лондонда бас сауғалап жүрген белгілі ресейлік кәсіпкер Б.Березовскийді “Коринтьянс” футбол клубына қатысты “ақша жуумен” айналысты деген айыптың негізінде тұтқындауға ордер берді. Кеше Бразилия соты Интерполға әлгі футбол клубының бірнеше директоры мен Б.Березовскийді шетелдерде тұтқындауды сұраған өтініш жібергенін хабарлады. Бразилия үкіметінің мәліметі бойынша, ресейлік кәсіпкер – “Коринтьянс” клубын басқаратын инвесторлардың халықаралық қоры - “Media Sports Investments” Қорының инвесторы көрінеді. Футбол клубы да, Қор да заңсыз іспен айналысқандарын теріске шығарады.
