Европа одағы Иранды таспен атқылап өлтіру жазасын қолданғаны үшін айыптауда

Иранда зинақорлық жасады деп айыпталған ер адамның таспен атқыланып өлтірілгенін Европа одағы мұны жазалаудың жабайы, анайы түрі деп атады. Иран жақын күндері Жафар Кианидің зинақорлық үшін жазаланғанын растап, оның жұбы болған Мокарраме Ебрахимидің ісі қайта қаралып жатқанын айтқан. Европа одағының сыртқы қатынастар комиссары Бенита Ферреро Уалднер Ебрахимиді тұтқындауды тоқтата тұруға шақырды.