Поляк және АҚШ президенттері Вашингтонда Ресейдің қарсылығын туғызған жоспарды талдайды

ВАШИНГТОН: Польша президенті Лех Качиньски бүгін Вашингтонда АҚШ президенті Дж.Бушқа жолығуға тиіс. Келіссөздің барысында Варшава мен Вашингтонның әскери саладағы ынтымақтастығы мәселелерін, оның ішінде АҚШ-тың зымырандық соққыдан қорғау жүйесін поляк жеріне орналастыру жоспарын талқылайды. Ресми Мәскеу ол жоспарға түбегейлі қарсы. Одан 2 күн бұрын Ресей президенті В.Путин Мәскеудің Еуропадағы кәдімгі қарулы күштер туралы маңызды келісімге қатысуын тоқтата тұру жөніндегі жарлыққа қол қойды.