АҚШ Пәкістан жеріндегі “Әл-Қаида” шебіне барлық күшімен соққы беруге дайын

ВАШИНГТОН: Америка Құрама Штаттары Пәкістанға бекініп алған “Әл-Қаида” күштеріне қарсы қарулы күштерін пайдалануы мүмкіндігін теріске шығармайды. Ақ үйдің ішкі қауіпсіздік мәселесі бойынша кеңесшісі Франциска Тоунсенд ханым Си-Эн-Эн телеарнасына берген сұхбатында мәлімдегендей, “Әл-Қаидаға” қарсы күресінде АҚШ өзінің жарағындағы барлық “құралын” қолданады. Ал Пәкістанның сыртқы істер министрі Хуршид Казери атап көрсеткендей, АҚШ Исламабадқа Пәкістандағы “Әл-Қаида” күштерінің “бар-жоқтығы, оның қылмыстық істері” туралы анық мәліметтерді беруге тиіс.