Талибанның айтуынша тұтқындағы кореялықтардың денсаулығы жақсы

Өзін “Талибан” баспасөз-хатшысымын деп таныстырған Қари Мохаммад Юсуфтың хабарлауынша, Ауғанстанда тәліптер тарапынан ұрланған Оңтүстік Корея азаматтарының денсаулықтары жақсы. Ол, сондай-ақ, кореялықтарды құтқару үшін кез келген күш қолданылатын болса, 23 тұтқынның өміріне қауіп төнеді деп мәлімдеді. Талибандықтар өздерінің қойған шартын орындауға тағы 1 тәулік уақыт берді. Олар Оңтүстік Корея өз әскерилерін Ауғанстаннан шығармаса, кепілдіктегі кореялықтарды өлтіре бастаймыз деп ескерткен болатын.