Ағылшын премьер-министрі Иранға соққы берілуі мүмкін екенін жасырмады

ЛОНДОН: Ұлыбританияның премьер-министрі Гордон Браун Иранға қарсы жаза қолдану туралы шешімнің қабылданатынына өз үмітін білдірді. Бірақ, сонымен бірге, Иранға қарсы соққы берілуінің де мүмкін екенін теріске шығармады. Дүйсенбі күні Лондондағы баспасөз-маслихатында сөйлеген сөзінде ағылшын премьері Иранның ядролық бағдарламасының дамуына өзінің қатты алаңдайтынын айтты. Г.Браунның сөзіне қарағанда, таяуда Иранға қарсы жаза қолдану туралы БҰҰ Қауіпсіздік Кеңесінің жаңа – үшінші Қарарының қабылдануы мүмкін.