6 санитардың босатылуы француз президентінің Ливияға баруына жол ашты

ПАРИЖ: Бүгін Франция президенті Николя Саркози Ливияға сапарға барады. Одан 1 күн бұрын Ливия Еуропа Одағымен арада серіктестік туралы келісімге келген соң, елдегі “жүздеген балаға СПИД дертін қасақана жұқтырды” деген айыппен өлім жазасына кесілген болгариялық 5 медбике мен Болгария азаматтығы бар Палестина дәрігерін түрмеден босатты. Француз президентінің зайыбы Сесилия Саркози бастаған осы 6 адам кеше француз ұшағымен Софияға ұшып жетті. Олардың босатылуы француз президентінің Ливияға сапарына жол ашып берді.