Испания полициясы бұрынғы тыңшының ісіне қатысты дәлел тапқан

Испаниялық газеттің хабарлауынша, тергеу ісін жүргізіп жатқан полиция бұрынғы барлау қызметі жұмыскерінің ресейліктерге жазған хатын тапқан. Өзінің хатында бұрынғы агент Ресейліктерге қызметін ұсынған екен. “Эль Паис” газетінің хабарлауынша, тексеру барысында табылған ол хатта “берілетін мәлімет” үшін 200 мың доллар сұралған. Шілденің 23-і күні қамауға алынған бұрынғы шпион өзі сатқан құжаттардың нұсқасын сақтаған көрінеді. “Эль Паис” газетінің бұл хабары тәуелсіз түрде әлі расталмады.