АНКАРА: Түрік премьер-министрі Р.Т.Эрдоган Ирақ үкіметінің төрағасы Н.Әл-Мәликиді елдегі күрд сепаратистерінің проблемасын шешуге шақырды. Ирақтың солтүстігінде соғыс базалары бар күрд сепаратистері сол аумақтан Түркияға шабуылдар ұйымдастырып тұрады. Ирақ премьер-министрінің Түркияға сапары кезінде екі жақ энергетика саласында ынтымақтастық орнату жөнінде уағдаласты. 2 электр станса салынады – бірі Түркияда, екіншісі – Ирақта және электр желілері жетілдіріледі. Екі жақты келісімге сәйкес, Ирақтағы мұнай көздерін бірлесіп игеру көзделіп отыр.
