Ирақтағы 24 бейбіт тұрғынның қазасына байланысты айыпталған 1 АҚШ жауынгері ақталды

ЛОС-АНЖЕЛЕС: Американың теңіз жаяу әскері Джастин Шарратқа тағылған “Ирақтың Әл-Хадита қаласының 3 бейбіт тұрғынын өлтірді” деген айып жойылды. Ол туралы кеше осы істі тергеуге жауапты генерал Джеймс Маттис хабарлады. Оның айтуынша, тергеу Шарратқа тағылған айыптың бұлтартпайтын айғаққа негізделмегенін анықтады. 2005-інші жылдың қарашасында бір қаруласы минаға жарылып қаза болған соң, АҚШ-тың әскери теңізшілері Әл-Хадита қаласында тінту жүргізіп, нәтижесінде 24 тұрғын оққа ұшты. Сол оқиға бойынша 4 теңізшіге айып тағылған болатын.