"Талибан" ұйымы Оңтүстік Кореяның ресми адамдарымен келіссөз өткізіп жатыр

"Талибан" ұйымының өкілдері Оңтүстік Кореяның ресми адамдарымен кездесіп, кепілдікке түскен азаматтардың мәселесін сөйлесіп жатыр. 21 оңтүстік-кореялық азамат Ауғанстанда осыдан үш аптадан астам бұрын ұрланып кетті. Келіссөз Ғазни провинциясында өтіп жатыр деген мәлімет бар. "Талибан" өкілі Қары Мұхамед Юсуф Ауғанстан үкіметі сөйлесуге келген талибаншылардың қауіпсіздігіне кепіл берді, келіссөз өтіп жатқан мезгілде тұтқындарға да қауіп жоқ деді.