Қазақстанда сенбіде болған парламенттік сайлауда «Нұр Отан» партиясы басым дауысқа ие болды

«Нұр Отан» - ел пірезиденті Нұрсұлтан Назарбаевтың басқаруындағы партия. Орталық сайлау комиссиясының айтуынша, елдегі екі ірі оппозициялық партия да парламенттің төменгі палатасынан ешқандай орын ала алмаған. Жалпыұлттық социал-демократиялық партия мен «Ақ жол» партиясы сайлау қорытындыларын мойындамайтындарын айтып жатыр. Халықаралық сайлауларды бақылау қызметі де аталған сайлаудың заңдылығына күмән келтіріп отыр.