Украина президенті Виктор Ющенко өрт сөндірушілерге тікелей өзі көмекке келді

Президент үш күннен бері ормандағы өртпен айқасып жатқан өрт сөндірушілерге қолұшын беріп, тілсіз жауды бақылауды өз қолына алған. Теледидардан берілген көріністе Ющенконың өрт сөндірушілерге көмектесіп жатқан сәті бейнеленген. Президент кеңсесі жариялаған мәлімдемеде президенттің өрттен құтқару шараларын тікелей өз бақылауына алғандығы жазылған. Ющенко Төтенше жағдайлар министрін өртке қарсы күресті ұйымдастыра алмады деп айыптап, оның қызметінен кетуін талап ететіндігін айтқан.