Қазақстан Қашағанға қатысты ашық талқылауға дайын

Бұл жөнінде Энергия және минералды ресурстар министрі Сауат Мыңбаев мәлімдеген. Министр Астанада Ени компаниясының өкілі Паоло Скаронимен кездесті. Аталған италияндық компания Қашаған мұнай кен орнын игеру бойынша жобаны атқарушы болатын. Қазақстан үкіметі қоршаған ортаға зиян келтірді, жобаланған жұмыстарды кешіктірді, қымбатқа түсті деп, оның жұмысын үш ай мерзімге тоқтатып тастаған еді.