АСТАНА: Қазақстанда туберкулезбен ауырғандар қатарының өсу қарқыны тұрақтады. Бүгін денсаулықты қорғау жөніндегі Ұлттық үйлестіру кеңесінің мәжілісінде денсаулық сақтау министрі А.Дерновой осылай деп мәлімдеді. Мәжілісте қаралған баспасөз-хабарламасына сәйкес, бұқара халық арасында туберкулезбен ауырғандардың саны 10.5 пайызға жуық азайған, оның ішінде - өткен жылдың алғашқы 8 айында әрбір 100 мың халыққа туберкулезге шалдыққан 95 адам келген болса, үстіміздегі жылы 100 мың халыққа осы дертпен ауырған 92 адам келетін көрінеді.
