Иран президенті Батысты атом қуатын өндіруге деген өз елінің құқын ескермейді деп айыптады

НЬЮ-ЙОРК: Иран президенті М.Ахмадинеджад Теһранның “ядролық мәселесі” жабық, енді бұл мәселемен атом қуаты бойынша халықаралық МАГАТЭ агенттігі шұғылдануға тиіс деп мәлімдеді. БҰҰ-ы Бас Ассамблеясының сессиясында сөз сөйлеген Ахмадинеджад Иранның ядролық бағдарламасы бірыңғай бейбіт мақсаты көздейтінін тағы да қайталап, Батыс елдерін Теһранның атом қуатын өндіруге деген құқын мойындамайды деп айыптады. Оның алдында Франция президенті Н.Саркози Иранның ядролық қаруға қол жеткізе алуы – аймаққа және бүкіл әлемге қатер төнді деген сөз деп мәлімдеген болатын.