Ирақтағы қару-жарақ пен терроризм осы аймаққа ғана емес, бүкіл әлемге қатер

НЬЮ-ЙОРК: Ирақ қауіпсіздік пен саяси тұрақтылыққа қол жеткізу үшін әлі көп іс атқаруға тиіс. БҰҰ-ының Бас Ассамблеясының сессиясында Ирақ премьер-министрі Н.Әл-Мәлики осылай деп мәлімдеді. Сондай-ақ оның ескертуінше, қару-жарақтың, террористердің және заңсыз қаржы-қаражаттың осы аймақтағы еркін айналымы көрші елдерге ғана емес, бүкіл әлемге айтарлықтай қатер болып төнеді. Кеше Ирақта бомба орнатылған автокөліктердің жарылыстарынан 30-дай адам қаза болып, 100-ге жуығы жараланды.