Грузия мен Оңтүстік Осетия арасында кескілескен атыс болды

ЦХИНВАЛИ: Кеше кешкісін Грузия мен Оңтүстік Осетияның жанжалы аумағында кескілескен атыс болды. Оңтүстік Осетия үкіметінің хабарлауынша, осы республиканың астанасы – Цхинвалиде түрлі мәлімет бойынша 2, не 4 адам жараланды және алдымен грузин ауылдары жағынан оқ жаудырылған. Содан кейін ғана қарсы оқ атыла бастаған. Грузин жағы өзінің Эргнети және Никози ауылдарын атқылады деп Оңтүстік Осетияны айыптады. Жанжал шыққан аумақтағы бітім күштерінің басшылығы өздерінің араласуы нәтижесінде атысты тоқтатқанын мәлімдеді. Қазір тергеу басталды.