Иран мен халықаралық МАГАТЭ агенттігі арасында шешуші келіссөз басталды

ВЕНА: Иранның ядролық бағдарламасы төңірегіндегі дағдарысты шешуді көздеген ресми Теһран мен МАГАТЭ агенттігі арасындағы шешуші келіссөз басталды. МАГАТЭ-нің Бас директоры М.Әл-Баради Иранның уран шикізатын байыту жұмыстары мен “ауыр суға” негізделген Арактағы ядролық реактордың құрылысын тоқтатқысы келмеуіне өкініш білдірді. Кеше БҰҰ-ының Бас Ассамблеясында сөйлеген сөзінде Әл-Баради Иран өзінің барлық ядролық нысанын ашып бергенде ғана дағдарысты шешуге болатынын мәлімдеді.