Ресейліктер тағы да Молдованың қызыл шарабын ішетін болды

КИШИНЭУ: Молдова Ресейге деген шарап экспортын қайта жалғастырды. “Молдова-вин” агенттігінің бас директоры Валери Миронеску хабарлағандай, қызыл шараптың алғашқы 150 мың шынысы Ресейдің кеден қызметіне жеткізіліп, тексеруден өткен соң саудаға түседі. Молдовада шығарылған шарап өнімдерінің санитарлық талаптарға сай келмеуіне байланысты 2006-ншы жылдың наурызында Ресей молдовалық шараптың импортына тыйым салған болатын. Соның салдарынан Молдова экономикасы шамамен 200 млн. доллардай шығынға түсті.