Рахат Әлиевке қатысты сот ісі сырттай қаралады

Қазақстан президенті Нұрсұлтан Назарбаевтың бұрынғы күйеу баласы Рахат Әлиевке қатысты сот жұма күні, яғни қарашаның 9-да басталады. Рахат Әлиев Венада жүргендіктен сот ісі сырттай қаралатын болады. Қазақстанның Австриядағы бұрынғы елшісі болған Рахат Әлиев мамыр айында қызметінен босатылды. Оған адам ұрлады, бопсалаумен айналысты, заңсыз қаруға ие болды, заңсыз қаржылық әрекеттермен шұғылданды деген айыптар тағылып отыр. Австрия соты Әлиевтің соты Қазақстанда әділ өтпейді деп, ресми Астананың Әлиевті экстрадициялау жөніндегі өтінішін қабылдамаған болатын.