Ресейде жылына 80 мың адам есірткіден көз жұмады

Ресейдің есірткіге қарсы күрес жөніндегі ресмилері хабарлап отырғандай, жыл сайын елде 80 мың ресейлік есірткіге қатысты проблемадан қайтыс болады. Федералды есірткі тасымалын бақылау қызметінен Александр Яневский келтірген мәліметке қарағанда, 70 мың адам есірткіге қатысты аурулардан көз жұмса, 10 мыңы есірткіні асыра пайдаланғаннан өліп кетеді. Халықаралық “Human Rights Watch” ұйымы Ресей есірткіге тәуелділерді емдейтін қажетті шараларды қолға алмай отыр деп сынап келеді.