Ресей Грузиядан әскерін біржолата әкетті

Ресей әскері Грузия жеріне осыдан екі ғасыр бұрын кірген. Грузия құрамындағы Аджар автономиялық республикасының астанасы Батумиде орналасқан соңғы Ресей базасы кеше Грузия ресми өкілдеріне тапсырылды. Протоколға Ресейдің Кавказдағы қолбасшысы Андрей Попов қол қойды. Ресей мен Грузия соңғы орыс әскери бөлімшелерін осыдан екі жыл бұрын жабуға келіскен болатын.