Кеше Парижде жиналған Қытай, Франция, Ресей, Құрама Штаттар, Британия мен Германия елдерінің өкілдері Иранның ядролық бағдарламасы бойынша кездесу өткізіп, одан кейін Франция дипломаты БҰҰ Қауіпсіздік Кеңесінің тұрақты бес мүшесі мен Германия Техранның уран байытуды тоқтатпай отырғанына байланысты жаңа санкциялар қарарын дайындауға келісті деген. Оның айтуынша, қарар жобасы осы аптаның соңында дайындалады. Бүгін Иранның сыртқы істер министрі жаңа санкциялар ядролық бағдарлама дауын шеше алмайды деген.
