Қырғызстан мен Өзбекстан 2008 жылға арналған газ экспортының бағасы бойынша бір келісімге келмеді. Мемлекеттік “Қырғызгаз” бас директоры Саламат Айтикеевтің мәлімдеуінше, Қырғызстан Өзбекстанның ұсынған бағасы тым жоғары деп есептейді. Айтикеев 1 мың текше метр Өзбек газы үшін “Қырғызгаз” 130 АҚШ долларын төлеуге дайын деген. Соңғы 3 жыл ішінде ресми Ташкент Қырғызстанға экспортталатын әрбір мың текше метр газ бағасын 42 доллардан 100 долларға асырған болатын.
