Ирақтағы үш жарылыстан кемінде 40 адам құрбан болды

Ирақ полициясының хабарлауынша, елдің оңтүстігіндегі Амара қаласында болған үш жарылыстан кемінде 40 адам қаза тауып, 150-ден астам адам жарақат алған. Бұл шабуылдар Британияның аймақтағы қауіпсіздікке байланысты жауапкершілікті Ирақ күштеріне тапсыруына бірнеше күн қалғанда орын алып отыр. АҚШ Ұлттық қауіпсіздік кеңесінің баспасөз-хатшысы Гордон Джондро бұл шабуылдарды бостандықтың жаулары іске асырды деп мәлімдеді.