Ресми Мәскеу мен Лондон тағы да бір-бірін жаппай айыптауға кірісті

МӘСКЕУ: Бүгін Ресейдің сыртқы істер министрі С.Лавров Ұлыбритания үнемі Ресеймен арадағы қарым-қатынасын бұзуға ұмтылады деп мәлімдеді. Оған С.Лавров ресми Лондонның терроризмге қарсы күресінде Ресейдің Федералдық қауіпсіздік қызметімен арадағы ынтымақтастықтан бас тартуын және 2 ел арасындағы виза беру жүйесін жеңілдетуге бағытталған келіссөзді тоқтатуын мысал ретінде келтірді. Одан 2 күн бұрын ғана Мәскеу “Британ кеңесінің” аймақтық кеңселерін жабуға нұсқау берді. “Британ кеңесі” ағылшын мәдениетін насихаттаумен айналысады.