Ауғанстандағы шабуылдан 8 адам құрбан болды

Ауған полициясының хабарлауынша, Талибан соғысушылары қауіпсіздік күзетшілерінің көлігіне шабуыл жасап, 6 күзетші мен 2 полиция қызметкерін өлтірген. Полиция басшысы генерал Зафаруддиннің айтуынша, бұл шабуыл сенбі күні Уардақ өлкесінің қауіпті аймағында орын алған. Сонымен қатар, кеше Хелманд өлкесінде болған жарылыстан 2 қарапайым тұрғын қаза тапты.