Түркия бас министрі Режеп Тайып Ердоған күрд партизандарына қарсы одан ары шара қолданылады деді

Ердоған бұл сөзін кеше теледидар арқылы айтты. Түркия бас министрі Ердоған Ирақ территориялық тұтастығын қолдаймыз, дегенмен Түркия халқын қорғауға міндеттіміз деді. Түркия әскері Ирақ солтүстігін паналаған Күрд жұмысшылар партиясының жасақтарын 16 желтоқсаннан бері әуеден де, жерден де атқылады. Түркия бас министрі Ердоған күрд партизандарына қарсы "саяси, әскери, әлеуметтік және экономикалық" тетіктерді одан ары қолданамыз деді.