Бұрынғы Грузия қорғаныс министрінің өзіне баспана беру жөніндегі өтініші Францияға тапсырылған

Германия ішкі істер министрлігінің хабарлауынша, бұрынғы Грузия қорғаныс министрі Иракли Окруашвилидің саяси баспана жөніндегі өтінішін қарастыруға Франция мемлекеті келіскен. Бір кездері президент Михаил Саакашвилидің одақтасы болған Окруашвили кейінірек президенттің өткір сыншысына айналған болатын. Қараша айында оны Тбилисидің сұрауы бойынша Германия тұтқындаған еді.