ӘР-РИАД: АҚШ президенті Дж.Буш Таяу Шығысқа сапарын аяқтай келе кеше Сауд Арабиясына келіп жетті. Дж.Буш Саудия патшасы Абдулламен арадағы келіссөзінің нәтижесінде Израиль-Палестина жанжалын бейбіт жолмен үйлестіру және Иранды оқшау қалдыру мәселесінде ресми Әр-Риадтың қолдауына ие болуды мақсат етеді. АҚШ президенті Әр-Риадқа Біріккен Араб Әмірліктерінен ұшып келді. Абу-Дабиде сөйлеген сөзінде Дж.Буш Иранды “халықаралық терроризмнің ең басты демеушісі” деп айыптады.
