Ресми Лондон мен Мәскеудің дипломатиялық теке-тіресіне тағы сылтау табылды

ЛОНДОН: Ресейдегі мәдениет ұйымдарында қызмет ететін британ азаматтарына визалық шектеу қою – Мәскеу мен Лондонның арасындағы дипломатиялық теке-тіресті тек ушықтыра түседі. Кеше Ұлыбританияның сыртқы істер министрі Дэвид Милибенд осылай деп мәлімдеді. Британ кеңесінің С.-Петербор мен Екатеринбор қалаларындағы кеңселерін жабудан ресми Лондонның бас тартуына байланысты Кремльдің виза беруді тоқтататын ескертуіне британ министрі осылайша жауап қатты.