Ресей мен Болгария Ресей үстемдігін ұлғайтатын газ құбыржолын салуға келісті

10 миллиард доллар тұратын "Оңтүстік ағын" құбыржолы Ресей газын Қара теңіздің табанымен Болгарияға, одан ары Оңтүстік Еуропаға жеткізбек. Бұл жоба АҚШ пен Еуропа Одағының табиғи газды Каспий теңізі аймағынан Ресейді айналып жеткіземіз деген жоспарына қайшы. Ресей президенті Владимир Путиннің Болгарияға жасаған екі күндік сапарында бірнеше келісім жасалды. Мәселен, Ресей Болгарияда ядролық электростанция салатын болды.